اكتشاف اكبر شركه التجارة المفروشات في المحله الكبرى

سندوتشات الكبده زى ما بتتعمل على عربيات الكبده بالظبط 

المكونات :

نص كيلو كبده مقطعة صغير "عصافيرى" وبقولك ايه الكبده مبتتغسلش ولا بتتنقع فى لبن وخل و الكلام ده ماشى - معلقة توم مفروم كبيرة عليها نص ليمونة ومعلقة خل وربع معلقة كسبره ناشفة - مش اقل من ربع كيلو فلفل متقطع حلقات "يفضل الحامى علشان نوحوحها" - ملح حسب الرغبه - ربع معلقة ص فلفل اسود - نص معلقة ص كمون - ربع معلقة ص شطة - ربع معلقة ص كسبره ناشفة مطحونة - اقل من ربع ص ورق لورا على حبهان مطحونين

تعلالى بقى للطريقة :

هننزل بزيتنا فى الطاسه واستخدم زيت نضيف علشان ميغيرش طعم الكبده وتندم وحط بتاع 100ملى زيت هى الكبده بتحب الزيت الكتير و لما يسخن انزل بنص كمية التوم و وراه الكبده على طول متستناش (على فكرة الكبده مش بتتغسل ولا بتتنقع فى حاجه 📷) وبعدها التوابل بسرعه علشان الكبده متاخدش من طعم الزيت و التوم بس لا كمان تاخد طعم التوابل. بعدها نقلب بقى ولما كل الكبده لونها يتحول للرمادى انزل بالفلفل ونستنى دقيقتين و ننزل بباقى كمية التوم وبالظبط 5 دقايق هتكون استوت و عيشك و مخلل