اكتشاف اكبر شركه التجارة المفروشات في المحله الكبرى

النجرسكو علي طريقتي

المقادير :- نصف كيلو مكرونه (اسباجتي او اقلام) - 4 صدور فراخ - بصل - فلفل رومي - مشروم - ملح - فلفل اسود - بصل بودر - ثوم بودر - 2 مكعب مرقة دجاج - زيتون مخلي - جبنة مودزريلا - لبن - دقيق - سمنه - 1 بيض

طريقة التحضير: 

 اول حاجة هنعمل الشاورما الفراخ و نخليها علي جنب تستوى هنبدأ نعمل صوص البشاميل هنجيب حله و تحطي فيها سمنه علي النار و 4 ملاعق دقيق و نقلبهم كويس و نخلي بالنا علشان مياخدش اللون الاصفر و هنجيب حله تاني و هنحط فيها اللبن و مرقة الدجاج و ننزل الدقيق بالسمنه عليه و نقلب كويس علشان ميحصلش كلكغه و نطلع قوام مضبوط و نبدأ بسلق المكرونه و بعد ما تاخد نصف سوا نصفيها من المياه نرجع بقا للشاورما نضيف ليها الزيتون و المشروم و الفل الرومي القطع الصغيره و نقلبهم علي النار شوية و نضيف لها باقي البهارات طب كده ناقص البيضه اقولك بقا البيضه دى تنزليها في صوص البشاميل و تضربيهم مع بعض في الخلاط كويس كده كل حاجة تمام نجيب الصينية اللي هنعمل فيها النجرسكو و ننزل شوية صوص بشاميل و ندهن الصينية بيها و بعدها ننزل بالمكرونه فوق المكرونة ننزل طبقة بشاميل تاني و فوقها ننزل الشاورما و نفرش الجبنة المودزريلا فوق المكرونة و ندخلها الفرن علي درجة حرارة 180 خمس دقائق تاخد السوا في الفرن و تقطعيها و هي ساخنه افضل و بالف هنا