❤طاجن نجرسكو بالدجاج ❤
أولا تحضير الدجاج /صدر دجاجة كامل أو دجاج فيليه نقطعه مكعبات ننزله طاسة بها معلقتين سمنة بلدى ساخنة نشوحه وفلفل أسمر ثم البصل المفروم ورشة قرفة تستوى ونزبط الملح
ثانيا البشاميل/على البارد فى الخلاط 5معالق كبيرة زبدة فلاحى وزيهم 5معالق كبيرة دقيق ابيض ولتر لبن بلدى وملح وفلفل أسمر ومكعب مرقة
الخليط خفق فى الخلاط ثم نضعه فى حلة على نار وسط وتقليب بالمضرب السلك مستمر حتى يتقل قوامه ونطفى يبرد او نسيح السمنة او الزبدة ثم نضع الدقيق ونقلبه ثم لبن ساخن
ثالثا سلق المكرونة/ يسخن الماء ننزل المكرونة حوالى 400جم ومعلقتين زيت فى الماء وملح ونسلقها نصف سلقة ونصفيها ونبردها بماء فاتر
التشكيل/نحضر الطاجن الزجاج لكن الأحلى الفخار ندهنه بشاميل والمكرونة خلطناها كلها نصف البشاميل نضع نصفها فى الطاجن ثم حشوة الدجاج مخلوطة بزيتون وفلفل ألوان قطع وجبنة رومى أو شيدر
ثم باقى المكرونة ع الوجه
ثم باقى البشاميل فوق المكرونة ثم جبنة رومى قطع أو شلل سورى وآخر حاجة قشطة وش اللبن
اللبن إللى عملنا به البشاميل بنغليه ويبرد ونتركه فى التلاجة يوم والصبح ناخد وشه قشطة لكن نضعها وهى جابسة تقيلة طالعة من التلاجة لأنها لو سايلة بتقع تحت فى الطاجن ومش بتعمل وش لامع للطاجن
التسوية/يدخل فرن ساخن الرف إللى فوق الصاجة على 180 نار وسط نولع تحت تستوى ونختبرها بسكينة طلعت خالية من البشاميل
نفتح الشواية تاخد لون وبالهنا
تعليقات
إرسال تعليق