❤ صوابع زينب بالشوفان ❤
كوب سميد
نصف كوب شوفان مطحون
نصف كوب قمح كامل
معلقة كبيرة نشا
معلقة كبيرة سكر
نصف معلقة صغيرةخميرة
3معالق زيت أو سمنة دافية بلدى
نصف كوب ماء دافىء إلا معلقتين
الطريقة/
نضع كل المواد الجافة مع بعض ونقلبهم ثم الزيت أو السمنة ونبثهم ثم نضيف الماء ونتركها 5دقائق تخمر فقط حتى لا تضيع النقشة
التشكيل/ناخد جزء من الخليط ونشكله أصابع صغيرة أو نعمل رول وسط ونبرمه ونقطع بالسكين كل 5سم ونمرره على مشط أو مبشرة أو غربال أو ورقة كارتون أو مصفى بلاستيك مربعات
ونرش الصنية سميد خفيف ونضع الصوابع
التسوية /بعد الإنتهاء من التشكيل ناخد جزء بسيط من العجينة ونضعه بطاسة الزيت هتكون تحت ولما يسخن الزيت حلو هتطفو على وش الزيت وقتها ننزل أول صوابع شكلناها على الجهة المقفولة لتحت مش إللى عليها النقشة زيت ساخن على 160 وسط ولما تاخد لون مشقر نقلبها على الجهة الأخرى ونقلب براحة لانها لينة
تطلع نرش عليها من الشربات بسيط او دبس تمر او عسل نحل مخفف بماء
مقدار الشربات/معلقتين سكر دايت مع ربع كوب عسل نحل وكوب ماء يغلى ونهدى النار لمدة 15دقيقة ويتقل نطفى
ملاحظات/مش نزود مقدار الخميرة النقشة هتروح ومش نزود مقدار السمنة لانها هتفتفت جدا وعن تجربة حصل كدة معايا ولا ينفع ننزلها الشربات لانها لينة وهتهرى ؛؛؛المقدار عمل 30قطعة
يدوب العجينة تشد خمس دقايق ونشتغل لو زاد الوقت الشوفان بيشرب السوايل وبتفتفت ولما نشكلها بتكون عجينة لينة بتمط وتتشكل حلو لكن لو قاسية وما بتفرد يبقى ناقصها ماء زودى معلقتين والماء فاتر لانه لو ساخن الخميرة بتموت
وبالهنا
تعليقات
إرسال تعليق