افكار سهله:
======
🎀فكرة وضع الخل مع سائل غسيل المواعين بيعطيها لمعان رائع
🎀مسح الابواب بخليط الديتول مع الداونى وادعولى
🎀الخل مع الملابس البيضا وهتلاقيها منوره ع الحبل بس انقعيها مع الاريال ونص كبايه خل ومن غير كلور
🎀تنظيف حوض المطبخ باريال مع ماء وبعدين افتحى حنفية المايه السخنة عشر دقايق هتلاقيه بروبروق
🎀لو حوض المطبخ اتسد نحط ف البلاعه ملح خشن وبعدين مايه سخنة
🎀بالنسبة لتنضيف الشبابيك والشيش بتوع البلكونات خدى منى بقي الفكرة دى ازازة الكاتشب اللى بتبقي ببوز تحطى فيها الخلطه اللى هتغسلي بيها الشيش سواء كانت اريال او اى حاجه متعوده تغسلي بيها وتصبى منها من البوز ع الشيش وهتلاقيه بينضف بدون اى تعب وبعدين اشطفيها بالمايه بنفس الطريقه ولو معندكيش ازازة الكاتشب دى ممكن بازازة الفيري برضو ببوزها بنفس الطريقه
🎀بقع الحبر على الملابس بتروح بكل سهولة لو دعكتيها بديتول غير مخفف🤗
🎀تعطير البيت ممكن تحطى أى زيت عطري على السجاد قبل الكنس ولما تكنسي هتفوح الرائحه في كل البيت،🤗
🎀الفحم في الثلاجة بيشفط الروائح🤗
🎀حطى شويه كربوناتو ف قعر سلة الزباله مش هتشمى اى ريحه ف الباسكيت خالص وعلى فكرة الكربوناتو ليها استعمالات كتير اوى ف البيئة
تعليقات
إرسال تعليق