اتفضلوا معايا النهاردة عملتلكم كبسة بالفراخ وسلطة الدقوس 😂😂😂😂
طبعا كله مستغرب اسم السلطة بس الشيف محمد حامد عملها مع الكبسة بس طلع طعمها حلو تعتبر زي صوص مع الفراخ
مقادير الكبسة
كيلو أرز بسمتي. بصل متقطع عادي. ٣ طماطم مبشورة. ٢ملعقة صلصة. بهارات كبسة وملعقتين كركم مش مليانين اوي ولومي إلى هو الليمون الناشف. وقرفة خشابي. وحبهان. وملح وفلفل اسمر. وورق لاوري وانا حطيت كمان مكعب مرقة دجاج..وحطيت فلفل مكعبات واحد أو اتنين لو عايزة حراق براحتك. فرخة مقطعة على أربعة ونشيل منها الجلد ونفتحها علشان تستوي
الطريقة
نضع سمنة وزيت عالنار و نشوح فيهم الفراخ بعد غسلها كويس ونقعها ونضع معاها كل البهارات والقرفة والحبهان وكله ونشوحها لحد ما تاخد صدمة من الناحيتين وبعد كده نضع البصل والفلفل ونشوحهم معاهم وملعقتين الصلصة وممكن نضع شوية ماية صغيرين خالص علشان الفراخ تكمل سواها وبعد كده لما تشربهم نضع بشر الطماطم ونسيبها تتسبك بيهم وبعد كده نضع الرز ومكعب المرقة ونضع الماية ونظبط الملح وبالف هنا
تعليقات
إرسال تعليق