اكلير وبرفيتول الشوفان
125جم دقيق شوفان مطحون يساوى كوب ومعلقة كبيرة
125 جم دقيق قمح كامل يساوى كوب
50جم زبدة يساوى ربع كوب فيه لورباك دايت
50مل زيت صحى او جوز هند يساوى ربع كوب
1معلقة كبيرة سكر
رشة ملح
4بيضات ومعلقة صغيرة فانيلا سايلة
250مل ماء يساوى كوب وربع
الطريقة/
نضع الماء ومعلقة السكر والزبدة والزيت ورشة الملح فى اناء على نار وسط ولما تبدء بالغليان نهدى النار ونضيف الدقيق دفعة واحدة ونقلب بمعلقة خشب الخليط حتى يتجمع كتلة واحدةويتشمع قاعدة الخليط فى الاناء خمس دقايق ونطفى النار
نترك الخليط يبرد ثم نضيف له البيض واحدة واحدة ونخفق بالمضرب الكهربى حتى تختلط البيضة ثم الاخرى وضرورى فانيلا سايلة هيتكون خليط شبه خليط الكيك ومطاطى
التشكيل/
نضع القمع فى كيس حلوانى ثم الخليط ونجهز الصوانى بها ورقة زبدة ونشكل خطوط الاكلير باحجام متساوية 7سم نشد خط مرة واحدة مش متقطع
وممكن صنية اخرى نشكل البرفيتول
التسوية/
فرن ساخن الرف الوسط على 170 من تحت ولمدة 20دقيقة ثم نختبره بعود خشبى ونطفى ونولع الشواية بسيط
الملاحظات /
لازم خفق بالمضرب كويس حتى يكون هش مش مكتوم وعلامة ان الخليط تمام علامة المنقار ناخد جزء من الخليط بمعلقة ونرفعه ثم نسكبه نجد علامة الخليط ونختبر قطعتين بالفرن لو فرش نزود الخليط معلقتين دقيق قمح
البرفيتول بعد التسوية نجد به تشققات بسيطة ده شىء عادى
لا نفتح الفرن قبل 20دقيقة حتى لا يهبط وبعد التسوية نتركه داخل الفرن مش نطلعه لانه زى الكيك الاسفنجى بيهبط
الحشوة/
حشيت مهلبية بالكراميل تحفة كرملت سكر دايت ثم نزلت اللبن ورشة نسكافية ودوبت النشا مع اللبن وتقليب مستمر حتى يتقل القوام ولما بقت دافيه حشيت
نفتح فتحة من تحت بالاكلير والبرفيتول ونحشيه بقمع رفيع فى كيس حلوانى
؛مربى حليب ؛؛جناش شيكولاتةدارك نزين به
المهم نحشى قبل التقديم بفترة بسيطة ونزين وندخله التلاجة الشيكولت تشد عليه نصف ساعة ويطلع نقدمه لكن لو قعد كتير بيطرى جدا
لازم تسوية الخليط ع النار حلو حتى لا يكون معجن من داخله وقت التسوية
تعليقات
إرسال تعليق