اكتشاف اكبر شركه التجارة المفروشات في المحله الكبرى

جيبتلكم وصفه جميله تستغلي بيها الزيت بتاع القلي اللي بنرميه كلنا ومش عارفين قيمته 💝💝

بجد الاختراع ده وهم وبيخلي اى حاجه تبرق بقيت مابعرفش استغنى عنه ابدا 

استغلي زيت التحمير وماترميهوش بعد ماتستخدميه واعملي بيه احلي صابون غسيل رغوته بتبقي جميله جدا وبينضف اووى وعن تجربه شخصيه 

ده الصابون اللي عملته من بواقي زيت التحمير عندى بس ابعدى عن الزيت اللي اتقلي فيه سمك علشان الصابون مايزفرش 

حكتبلكم الطريقه بالتفصيل واى سؤال انا معاكم 

 ****مقادير عمل الصابون **

لتر ونص زيت مستعمل 

كيس برسيل جيل .. 

2 : 3 مج دقيق 

ربع كيلو بوتاس 

نص لتر مايه 

الطريقه 

1 ..ندوب البوتاس ف الميه ف جردل بلاستيك محدش يدوب ف حاجه الومنيوم ابداااا علشان بيتفاعل معاها وندوبه بعصايه خشب طويله ونقلب براحه جدا ومن بعيد لانه ماده كاويه ويفضل لبس جوانتى جلد خصوصا لو اول مره 

2....نصفى الزيت كويس وف طبق بلاستيك نحطه ونضيف الدقيق عليه وندوبه حلو ونقلب شويه كويسين

3..نضيف البوتاس علي الزيت والدقيق ومعاهم كيس البرسيل جيل وممكن نبدله بعصير كام لمونه وزجاجة جلسرين

4..نقلب نقلب لحد ما الخليط يتقل معاكى ويبقي شبه الكيك كل ما يتقلب حلو يدى نتيجه احلي ولو حسيتى محتاج دقيق زودى شويه 

5 .. نجيب صينيه مستطيله ونفردها بمشمع او كيس ونفرد الخليط فوقها وبضهر معلقه كبيره نفرده حلو ونسيبه ف البلكونه ينشف بس حطيه ف مكان مفيهوش شمس 

6 .. تانى يوم قطعيه مربعات وافصليه عن بعضه وسيبيه ينشف ف مكان ضل 

والله حتنبهروا من جمال رغوته ومن نضافته كمان 🤗