خلية نحل
مقادير العجينة:
٥ كوب دقيق
٢معلقة كبار خميرة فورية
٢ معلقة كبار سكر
٢ كوب ماءدافئ
ربع كوب لبن بودرة
نصف كوب زيت
رشة ملح
للحشو:
جبنه وممكن شيكولاتة
لدهان الوش:
صفار بيض ومعلقة حليب ورشة نسكافية ورشة سكر ورشة فانيليا
سمسم او حبة البركة
طريقة العجين:
في بولة نضع ٢ كوب من الدقيق مع ٢ كوب المياه الدافية عليهم اللبن البودرة والخميرة والسكر ونقلبهم لحد ما تبقي عجينة سايلة ونغطيهم نصف ساعة وبعد كدة نجيب العجين ونحط عليهم باقي الدقيق والزيت ورشة الملح ونعجن حوالي ٧ دقايق ونغطيها ونسيبها نصف ساعة
وبعد ما تخمر العجين نعملها كلها كور صغيرة قد بعض ونجيب كل واحدة ونفتحها من النص ونحط الحشوة انا حطيت جبنة كيري وزيتون ونقفلها كويس ونعمل كدة في كل الكمية ونحطها في الصينية اللي هنخبز فيها ونسيها تخمر نصف ساعة وبعد كدة ندهنها براحة ونرش عليها السمسم وندخلها الفرن علي درجة حرارة ١٨٠ ونعمل الفرن تحت بس لحد ما تستوي وبعد كدة نعملوا فوق تحمر وتاخد لون ونطلعها تهدي ونطلعها من الصينية
تعليقات
إرسال تعليق